Монгол Улс, ОХУ бага оврын атомын цахилгаан станц барих асуудлаар хэлэлцээ хийж байна. Энэ тухай Монгол Улсын Эрчим хүчний сайд Б.Найдалаа аравдугаар сарын 15-нд Москвад болсон Оросын эрчим хүчний долоо хоногийн үеэр мэдэгджээ.

Түүний хэлснээр, уг төслийг хэрэгжүүлэхийн тулд Монгол Улсын эрчим хүчний дэд бүтцийг атомын эрчим хүч ашиглахад бэлтгэх шаардлагатай аж.

Атомын цахилгаан станц барих боломжит байршлаар Шинэ Хархорин хот байгуулахаар төлөвлөж буй бүсийг авч үзэж байна. ОХУ-ын “Росатом” корпорац тус улсад ашиглаж буй атомын мөс зүсэгч хөлгүүдийн РИТМ-200 төрлийн реакторыг ашиглах санал дэвшүүлжээ.

Корпорацын төлөөлөгчийн мэдээлснээр, уг төсөл нь хоёр улсын урт хугацааны хамтын ажиллагааны нэг чиглэл болох боломжтой. Гэхдээ станц барих эцсийн шийдвэр хараахан гараагүй бөгөөд төслийн хугацаа, өртөг тодорхой болоогүй байна.

Эх сурвалж: ТАСС