Монгол, Оросын парламентын дарга нар хамтын ажиллагааны хэд хэдэн хэлэлцээрт гарын үсэг зурлаа
ОХУ-ын Төрийн Дум, Холбооны Зөвлөл болон Монгол Улсын Их Хурлын (УИХ) дэд дарга нар хоёр улсын парламентын хамтын ажиллагааны хүрээнд чухал баримт бичгүүдэд гарын үсэг зурлаа.
ОХУ-ын Холбооны Хурал болон Монгол Улсын Их Хурал хоорондын хамтын ажиллагааны комиссын гишүүн, Забайкальском хязгаараас сонгогдсон ОХУ-ын Сенатор Баир Жамсуев хоёр орны комиссын хамтарсан дарга нарын уулзалтад оролцсон байна. Энэ тухай тэрбээр зургадугаар сарын 3-ны өдөр өөрийн албан ёсны MAX сувгаар дамжуулан мэдээллээ.
Уулзалтыг оросын талаас ОХУ-ын Төрийн Думын орлогч дарга Алексей Гордеев, Холбооны Зөвлөлийн орлогч дарга Константин Косачев нар, монголын талаас УИХ-ын дэд дарга Бухчулууны Пүрэвдорж нар ахлан явуулсан байна.
Стратегийн хамтын ажиллагааны гол чиглэлүүд
Уулзалтын үеэр талууд энэ оны хоёрдугаар сарын 10-нд Төрийн Думд зохион байгуулагдсан хамтарсан Комиссын хоёрдугаар хуралдааны үр дүнгийн протоколд гарын үсэг зурж, баталгаажуулав. Уг баримт бичиг нь хоёр улсын стратегийн түншлэлийн дараах гол чиглэлүүдийг хамарч байна. Үүнд:
- Санхүүгийн салбар: Орос, Монголын Төв банкууд хоорондын түншлэлийг өргөжүүлэх;
- Байгаль орчин: Байгаль нуурыг хамгаалах чиглэлээр хамтарсан үйл ажиллагаа явуулах;
- Хөдөө аж ахуй: Хөдөө аж ахуйн бүтээгдэхүүн, хүнсний харилцан нийлүүлэлтийн хэмжээг нэмэгдүүлж, нэр төрлийг олшруулах;
- Боловсрол, соёл: Улаанбаатар хотод Орос-Монголын хамтарсан сургууль байгуулах, Монголд орос хэл, Орост монгол хэлний судлалыг дэмжих;
- Бүс нутгийн түншлэл: Орос, Монголын бүс нутгуудын чуулга уулзалтыг тогтмолжуулах.
Сенатор Баир Жамсуевын тэмдэглэснээр, хоёр талын хамтын ажиллагааны хамтарсан Комиссын энэхүү хэлбэр нь Монгол, Оросын парламент хоорондын харилцааг шинэ шатанд гаргаж, олон тооны бодит төслүүдийг хэрэгжүүлэх үр дүнтэй механизм болж чадсан байна.
Бүс нутгийн форумын бэлтгэл ажлыг хэлэлцэв
Уулзалтын үеэр талууд салбар бүрийн тулгамдсан асуудлуудыг хэлэлцэхээс гадна Улаанбаатар хотод зохион байгуулагдах «Орос, Монголын бүс нутгуудын II форум»-ын бэлтгэл ажлын явцыг дүгнэжээ.
Уг арга хэмжээнд ОХУ-ын Төрийн Думын депутат В.А.Дамдинсүрэн, Монгол Улсын Их Хурлын гишүүн Г.Ганбаатар, Монгол Улсаас ОХУ-д суугаа Онцгой бөгөөд Бүрэн эрхт Элчин сайд Д.Даваа болон ОХУ-ын ГХЯ, Монгол Улсын Элчин сайдын яамны холбогдох албаны хүмүүс оролцсон байна.
Эх сурвалж: ОХУ-ын Холбооны Зөвлөлийн гишүүн, Сенатор Баир Жамсуевын албан
ёсны эх сурвалж (MAX суваг)
.png)
