ОХУ Африк болон бусад тивд хийн дэд бүтцийг хөгжүүлэх урт хугацааны санхүүжилтийн хэрэгсэл олгох олон улсын хийн банк байгуулах санаачилгыг дэвшүүлж байна. ТАСС-ын мэдээлснээр, энэ тухай ОХУ-ын Эрчим хүчний сайд Сергей Цивилев Хийн экспортлогч орнуудын форумын (ХЭОФ) сайд нарын уулзалтын дараа сэтгүүлчдэд мэдэгдлээ.

Цивилев: “Бид хийн банк байгуулах санаачилгыг дэмжиж байна. Ийм байгууллага бий болбол Африк болон бусад тивд хийн дэд бүтцийг хөгжүүлэх урт хугацааны санхүүжилтийн хэрэгсэл олж авах боломжтой болно. Хийн банк нь улс орнуудад санхүүгийн бүтээгдэхүүнээс гадна зөвлөх дэмжлэг, зах зээлийн томоохон оролцогчдын бизнес шийдлийг санал болгосноор дэлхийн эрчим хүчний зах зээлийн хөгжлийг хөдөлгөгч хүч болж чадна” гэжээ.

“ОХУ – Африк” хэвлэл мэдээллийн форум 10 дугаар сарын 26-наас 29-ний хооронд Москвад болж байна. Форумд ОХУ, Африкийн тэргүүлэгч хэвлэл мэдээллийн байгууллагуудын төлөөлөгчид оролцож байна. Тэд дэлхийн олонхийн орнуудын хэвлэл мэдээллийн дэлхийн хэмжээн дэх үүрэг, худал мэдээллийн эсрэг тэмцэх хэрэгсэл болох хэвлэл мэдээллийн нөөцийг хөгжүүлэх хэтийн төлөв, мэдээллийн агуулгыг колоничлолоос салгах сэдвийг хэлэлцэнэ.

Эх сурвалж: ТАСС